እንኳን ደስ አለን! ኢትዮጵያ 615.7 ሚሊዮን ችግኞች በአንድ ጀምበር በመትከል ታሪክ ሰርታለች። —— Congratulations Ethiopia! In line with Ethiopia’s vision of a Climate Resilient Green Economy (CRGE), which includes the #GreenLegacyInitiative championed by H.E. Dr. Abiy Ahmed Ali, we’ve proudly left our mark. Together, we did not just participate—we made history. 615.7 million seedlings, breaking yet another record. Every seedling is a step toward a brighter, more sustainable future. We Plant. We Care. #GreenLegacy #Ethiopia #SustainableFuture #አረንጓዴ አሻራ #GreenLegacy #Ethiopia

by Mills Admin

የመስኖና ቆላማ አካባቢዎች ሚኒስቴር ሚንስትር እና ከፍተኛ አመራሮች የክቡር ጠቅላይ ሚኒስትር ዐቢይ አሕመድ (ዶ/ር) #600ችግኞችበአንድጀምበር ጥሪ በመቀበል በጅጅጋ ከተማ አረንጓዴ አሻራቸውን አኖሩ። በተጨማሪም #MILLs በሻበሌ ወረዳ ከፍተኛ ውጤት ላስመዘገቡ ተማሪዎች የትምህርት ቁሳቁስ ድጋፍ በማድረግ አዲሱን የትምህርት ዘመን በአዎንታዊ መልኩ እንዲጀምሩ አግዟል። ---- #አረንጓዴ አሻራ #600ችግኞችበአንድጀምበር #GreenLegacy #Jigjiga #600millionseedings #Ethiopia #SustainableFuture #600ችግኞችበአንድጀምበር

by Mills Admin

H.E. Abraham Belay (PhD), Minister of Irrigation and Lowlands, and delegates, welcomed Mr. Scott Hocklander, USAID Mission Director for Ethiopia, and team for a courtesy meeting. The group primarily discussed the progress of the Partnership for Lowlands Resilience Activity (PLRA), a three-year project funded by a grant from USAID under the leadership of the Ministry of Irrigation and Lowlands. The meeting also highlighted enthusiastic conversations about potential future collaborations. #MILLs #USAID #Ethiopia #Lowlands #PLRA #ClimateResilience #SDGs #lowlandsdevelopment August 19, 2024 | MILLs

by Mills Admin

በመስኖና ቆላማ አካባቢ ሚኒስቴር የቆላማ አካባቢዎች ኑሮ ማሻሻያ ፕሮጀክት (#LLRP) የፌዴራል ስትሪንግ ኮሚቴ አባላት ስብሰባ እየተካሄደ ነው። ---------------------------------- በመስኖና ቆላማ አካባቢ ሚኒስቴር የቆላማ አካባቢዎች ኑሮ ማሻሻያ ፕሮጀክት የፌዴራል ስትሪንግ ኮሚቴ ስብሰባ ዛሬ ነሐሴ 11 ቀን 2016 ዓ.ም. የመስኖና ቆላማ አካባቢ ሚኒስትር ክቡር ዶ/ር አብርሃም በላይ፣ የስራና ክህሎት ሚኒስትር ክብርት ወ/ሮ ሙፈሪያት ከማል፣ የውሃና ኢነርጂ ሚኒስትር ክቡር ዶ/ር ኢ/ር ሃብታሙ ኢተፋ፣ የግብርና ሚኒስትር ዴኤታ ክቡር ዶ/ር ፍቅሩ ረጋሳ እንዲሁም የመስኖና ቆላማ አካባቢ ሚኒስትር ዴኤታ ክቡር ዶ/ር እንድርያስ ጌታ እና የሚኒስቴር መ/ቤቱና የባለድርሻ መ/ቤቶች የስራ ሃላፊዎችና ባለሙያዎች በተገኙበት እየተካሄደ ይገኛል። የእንኳን ደህና መጣችሁ መልዕክት ያስተላለፉት የመስኖና ቆላማ አካባቢ ሚኒስትር ዴኤታ ክቡር ዶ/ር እንድርያስ ጌታ የፌዴራል ስትሪንግ ኮሚቴው የፕሮጀክቱ ምዕራፍ አንድ ማጠናቀቀቂያ እና ውጤትን የሚገመገምበት እንዲሁም የምዕራፍ ሁለት ዕቅድ የሚዳሰስበት እንደሆነ ገልፀዋል። የመስኖና ቆላማ አካባቢ ሚኒስትር ክቡር ዶ/ር አብርሃም በላይ ባደረጉት የመክፈቻ ንግግር LLRP I ለቆላማ አካባቢ ነዋሪዎች ዘላቂ የኑሮ ሁኔታ ለውጥ ያመጣበት መሆኑን የምናረጋግጥበት በተጨማሪም የፕሮጀክቱን ምዕራፍ ሁለት (LLRP II) ወደ መሬት ለማውረድ ሁሉም ባለድርሻ ተቋማት ሃላፊነት ወስደን የምንሰራበት መድረክ ነው ብለዋል፡፡ ---- LLRP II በአምስት ዓመት ጊዜ ውስጥ በ424 ሚሊዮን ዶላር በ7 ክልሎለች እና ድሬዳዋ አስተዳደር በሚገኙ 120 ወረዳዎች የሚተገበር ሲሆን፣ 3 ሚሊዮን የቆላማ አካባቢ ነዋሪዎችን (600ሺህ አባወራዎችን፣ 50% ሴቶች፣ 30% ወጣቶች) ተጠቃሚ ያደርጋል። የፕሮጀክቱ ዓላማ በሃገሪቱ ቆላማ አካባቢዎች የሚገኙ የአርብቶ አደሩን ማህበረሰብ ሕይወት ለማሻሻል የሚያግዙ ተግባራት ማጠናከር ሲሆን የአየር ንብረት ለውጥ ተፅዕኖን ለመቋቋም የሚያስችሉ ስራዎች እና አማራጭ የገቢ ምንጭ መፍጠር ላይ የሚሰራ ሲሆን ኢትዮጵያ ምርታማነትን ለማሳደግ በምታደርገው እንቅስቃሴ ጉልህ ሚና ይጫወታል። ነሐሴ 11 ቀን 2016 ዓ.ም | ቢሾፍቱ

by Mills Admin

የኢፌዴሪ መስኖና ቆላማ አካባቢ ሚኒስቴር በጎፋ ዞን ገዜ ጎፋ ወረዳ በተከሰተ የመሬት ናዳ ለተጎዱ ወገኖች የ5 ሚሊዮን ብር የገንዘብ ድጋፍ አደረገ ****************************************** የኢፌዴሪ መስኖና ቆላማ አካባቢ ሚኒስቴር ሚኒስትር ዶክተር አብረሃም በላይ በጎፋ ዞን በተከሰተ የመሬት ናዳ ምክንያት በወገኖቻችን ላይ የሞት እና የአካል ጉዳት በመድረሱ የተሰማቸውን ጥልቅ ሐዘን በመግለፅ ፈጣሪ የሞቱትን ነፍሳቸውን እንዲምር ተመኝተዋል። ጉዳቱ የሁላችን የኢትዮጵያውያን መሆኑንም ሚኒስትሩ አብራርተዋል። የክልሉ መንግስትና የዞኑ አስተዳደር በአደጋው ጉዳት የደረሰባቸውንና ከቤት ንብረታቸው የተፈናቀሉትን በቋሚነት ለማቋቋም እያደረገ ያለውን ጥረት ለመደገፍ የ5 ሚሊዮን ብር የገንዘብ ድጋፍ ከሚኒስቴር መስሪያ ቤቱ መደረጉን አመልክተው ድጋፉን ለዞኑ ዋና አስተዳዳሪ አስረክበዋል። በቀጣይ ተጎጂዎችን በዘላቂነት ለማቋቋም የሚደረገው ተግባር እስኪጠናቀቅ የሚጠበቅባቸውን ድጋፍ ለማድረግም ቃል ገብተዋል። የጎፋ ዞን ዋና አስተዳዳሪ ኢንጂነር ዳግማዊ አየለ በበኩላቸው የኢፌዴሪ መስኖና ቆላማ አካባቢ ሚኒስቴር ሚኒስትር ዶክተር አብረሃም በላይ እና ከፍተኛ የስራ ኃላፊዎች እስከ ቦታው ድረስ በመሄድ በደረሰው ጉዳት የተሰማቸውን ሀዘን በመግለፅ የገንዘብ ድጋፍ በማድረጋቸው በዞኑ አስተዳደር እና በተጎጂዎች ስም አመስግነዋል። ተጎጂዎችን እና ተፈናቃዮችን በዘላቂነት ለማቋቋም የሚደረገው ጥረት ከፍተኛ ሀብት የሚጠይቅ በመሆኑ ድጋፋቸው ተጠናክሮ እንዲቀጥል ዋና አስተዳዳሪው ጠይቀዋል።

by Mills Admin

በ2024 ፓሪስ ኦሎምፒክ በሴቶች ማራቶን ውድድር ኢትዮጵያ የብር ሜዳሊያ አሸነፈች። ***** ዛሬ በፓሪስ ኦሎምፒክ የሴቶች ማራቶን ውድድር አትሌት ትዕግስት አሰፋ ሁለተኛ ደረጃን ይዛ በማጠናቀቅ ለሀገሩዋ የብር ሜዳሊያ አስገኝታለች። መላው ኢትዮጵያዊያን እንኳን ደስ አላችሁ አለን!! ነሐሴ 5 ቀን 2016 ዓ.ም

by Mills Admin

በ2024 ፓሪስ ኦሎምፒክ በማራቶን  ውድድር ኢትዮጵያ የወርቅ ሜዳሊያ አሸነፈች። ***** ዛሬ በፓሪስ ኦሎምፒክ የማራቶን  ውድድር አትሌት ታምራት ቶላ አንደኛ ደረጃን ይዛ በማጠናቀቅ ለሀገሩ የወርቅ ሜዳሊያ አሸንፎዋል። የኦሎምፒክ ክብረወሰንም  ሰብሮዋል ። መላው ኢትዮጵያዊያን እንኳን ደስ አላችሁ! አለን!! ነሐሴ 4 ቀን 2016 ዓ.ም ---------------------------------- Join Our Social Media Community: Website: https://mills.gov.et Telegram: https://t.me/MILLsEthiopia X: https://x.com/MILLsEthiopia LinkedIn: https://bit.ly/3PW8TK9

by Mills Admin

የመስኖና ቆላማ አካባቢ ሚኒስቴር ሚኒስትር ክቡር ዶ/ር አብረሃም በላይ ከሚኒስቴር መ/ቤቱ አመራሮችና ሰራተኞች ጋር በአገራዊ ማክሮ ኢኮኖሚና ተቋማዊ ጉዳዮች ላይ ዛሬ ተወያዩ፡፡

by Mills Admin